SolOuxa II

Envíanos fotos tomadas a través da aplicación, xa sexa no momento do avistamento ou ben imaxes que teñas gardadas na túa galería, tanto de ouxas como das pegadas ou escavacións que deixan no sedimento. No caso das fotos de galería, lembra ter activadas as coordenadas de localización para poder ser enviadas e xeorreferenciadas correctamente. Tanto se tes a certeza da especie (ouxa, aguia mariña, Myliobatis aquila), como se tes dúbidas sobre ela, toda a información e cada imaxe que nos fagas chegar é moi útil para o noso proxecto. A presenza destas especies e a súa actividade ao escavar no fondo mariño para alimentarse poden ser un factor a ter en conta na diminución do marisco nas nosas costas. Sen unha investigación detallada sobre onde e cando actúan, é imposible comprender ben o seu comportamento e atopar solucións para paliar o seu impacto. Co teu envío a través da app —un proceso…