釣港 Fishport

釣港係為香港釣友而設嘅釣魚記錄工具，介面用繁體中文。 【記錄魚獲】 ・由 45 種本地常見魚種圖鑑揀魚種（有相），可以自己輸入其他魚種 ・填重量（公斤／斤／兩／克）、長度、日期時間、釣法、釣餌同備註 ・可以即場影相，或者由相簿揀相 ・可以「啟用自動定位」用 GPS 標示釣點，系統會識別最近嘅釣點；唔撳就唔會讀取位置 ・記錄畫面會顯示當時月相、日出日落同最近潮汐站嘅潮位 【釣魚行程】 ・開始同結束一次行程，期間嘅魚獲自動歸入行程 ・快速計數模式，唔使逐條詳細填 ・結束行程後即時睇總結：總時長、魚獲數量、重量同魚種 【潮汐・天氣・地圖】 ・香港多個潮汐站嘅即時潮位、潮汐曲線同未來 5 天高低潮（數據來源：香港天文台） ・多個釣區嘅天氣、溫度、風速同雨量（Open-Meteo），風級用香港天文台用語，並有出釣評分參考 ・唔登入都可以睇潮汐同天氣 ・地圖只顯示你自己記錄過嘅釣點 【排行榜】 ・符合條件嘅魚獲可以上排行榜（最重、數量、品種），分全部、年度、季度、月度 ・排行榜顯示顯示名稱、魚種、重量、日期同魚獲相，唔會公開任何人嘅釣點或 GPS 座標 ・可以檢舉內容或者封鎖其他用戶 【分享】 ・將魚獲分享到 WhatsApp 或者其他 App ・分享自己嘅釣點名單俾釣友；附唔附 Google 地圖位置由你決定，預設唔附 【私隱】 ・唔做廣告、唔做廣告追蹤 ・可以喺 App 內或者網頁永久刪除帳戶同所有資料 記錄魚獲、行程同排行榜需要登入（Apple、Google 或電郵）。